Ескі Jaguar XJ алты дөңгелекті пикапқа айналды

Нидерландыда 1981 жылғы Jaguar XJ сатылады, иесі көлікті ерекше деп отыр. Қымбат седанды ірі жүк платформасына ие және екі артқы осі бар екі есікті пикапқа айналдырыпты. Қазір автомобильдің бағасы — 10.5 мың еуро (шамамен 5.2 млн теңге), бәссауда аяқталғанша құны 13.5 мың еуроға жетуі мүмкін.

1 / 23

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 23

Пикап төрт есікті Daimler Double Six Vanden Plas-қа негізделген. Ол дөңгелек базасы ұлғайған Jaguar XJ-дің аса сәнді нұсқасы саналады. Компания машина өндірісі туралы ешқандай мәлімет берген жоқ. Суреттерден лимузиннің салон мен жүксалғыштың біраз бөлігінен қағылып, орнына тентпен жабылған тым ұзын жүк платформасын алғаны байқалады. Сонымен қатар автомобильді алтын түстес графикасы бар ашық күлгін түске бояпты.

1 / 7

• 
• 
• 
• 
• 
• 
• 

1 / 7

Жаңа темір тұлпар Daimler Double Six сияқты 5.3 литрлік V12-мен (300 а.к.) қозғалады. Мотор автомат қораппен жұмыс істейді, бірақ иесі жетектің түріне қатысты ешқандай мәлімет бермеген.

Клиенттердің аса қызуғышылық танытпағаны пикаптың 125 мың шақырым жол жүргеніне байланысты болуы мүмкін. Сатушыға сенсек, автомобиль өздігінен жүреді, бірақ май ағатындықтан моторы күтімді қажет етеді, жүріс бөлігіндегі элементтерді тот басқан, ал салонды жаңарту керек екен. Автомобильді 2007 жылы сатып алған жүргізуші — оны саудаға қойған сегізінші адам.