Бельгияда кеңестік көліктер коллекциясы сатылады

Car&Classic онлайн-аукционы бірнеше КСРО көлігін сатады, көбі ВАЗ және Lada модельдері, бірақ арасында сирек кездесетін «Москвич» пен «Волга» бар. Автомобильдер қымбат емес, бағасы 5 мың еуродан басталады.

Хабарландырудан Abarth Works мұражайында Кеңес кезінде және Ресейде шыққан ондаған автомобиль тұрғанын көруге болады. Оның көбі Еуропаға түрлі жолмен барған қарапайым «копейка», «бестік» және «самара». Бірақ коллекциядан таңдаулы машина тауып алуға да мүмкіндік бар.

1 / 5

• 
• 
• 
• 
• 

1 / 5

Мысалы, тізімде екі Lada VFTS тұр. Оның бірі стандарт қозғалтқышы мен салоны бар реплика ретінде сипатталған, ал екіншісі жайлы мәлімет жоқ. Мұражайда 1980 жылдары Вильнюсте шыққан ВАЗ-2105 негізіндегі Lada VFTS спорткарының бірі тұрған болуы мүмкін. Бұдан бөлек Lada-ның тағы бірнеше спорттық түрленімін табасыз, алайда олар Бельгияда шыққан сериялы автомобильдерге негізделген сияқты.

1 / 4

• 
• 
• 
• 

1 / 4

Мұражай сирек кездесетін «москвичті» саудалайды. 1990 жылдардың екінші жартысында АЗЛК аз мөлшерде «Москвич-2141» базасындағы 2335 индексті пикап шығарған. Соның бірі Бельгияда, ВАЗ-2106 моторымен жүреді. Пикапты өзге бірнеше «москвичпен» бірге 21 мың еуроға алуға болады.

Бұдан бөлек Car&Classic аукционында екі «волга» бар. ГАЗ-21-дің жағдайы жаман емес, ал ГАЗ-24 универсалын жөндеуден өткізу қажет. Бірақ ол оңай жұмыс емес, өйткені бес есікті көлік сипаттамасы белгісіз дизельді мотормен жабдықталған.

Abarth Works қойманы не үшін тазалап жатқанын түсіндірді, мұражай жаңа ғимаратқа көшіп жатыр, сол үшін кейбір коллекциямен қоштасуға мәжбүр.