Ескі Porsche 911 қуатты электрокарға айналды

Классикалық көліктен электромобиль жасауға машықтанған Ұлыбританиядағы Everrati ательесі жаңа жобасын көрсетті. Porsche 911-ге негізделген купе модификация нәтижесінде электромобильге айналады.

Рестомодтағы алты цилиндрлі оппозит қозғалтқыш бір электромоторға орын береді. Агрегат 771 ат күшіне ие (810 Нм). Бұл донор ғана емес, қазіргі 911-ді он орап алатын көрсеткіш. Арнайы редуктор көмегімен артқы дөңгелектерді айналдыратын мотор 60 мильге дейінгі жылдамдықты небәрі 3.3. секундта алады. Ол 320 шақырымды еркін еңсеруіне мүмкіндік беретін 63 киловаттық батареямен жабдықталады. Машина 20-дан 80 %-ға дейінгі энергия қорын 25 минутта жинайды.

Көлік қуатының артуы жүріс бөлігінің өзгеруіне ықпал етті. Мұнда жаңа инітіректерден бөлек анағұрлым мықты тежеуіштер мен рекуперация жүйесі орнатылған, ал рөл механизмі күшейткішпен жабдықталды. Опция түрінде бейімді амортизатор қоюға болады.

1 / 10

• 
• 
• 
• 
• 
• 
• 
• 
• 
• 

1 / 10

Everrati спорткардың жаңарғаны сырттай қарағанда көрінуі керек деп шешіпті. Конверсия барысында техника карбоннан жасалған шанақ панельдерімен қапталады. Демек, купе дәстүрлі стилін сақтай отырып, заманға сай кейіпке енеді. Мамандар салонына Porsche Classic медиажүйесін орнатып, өз аспаптарын жаңа күштік құрылымға бейімдейді. Иесі ақы төлесе, Recaro Sportster орындығын қойып береді.

Рестомодтың жаңа компоненттері оның үйреншікті балансын бұзбайтындай етіп орналасқан. Ателье конверсия қайтарымды процесс екенін атап өтті, кез келген уақытта зауыттан шыққандағы қалпына келтіруге мүмкіндік бар. Бірақ бұл қызмет үшін қанша сұрайтыны белгісіз.