Биыл елімізде қаржылық құжаттардың бірі жаңарады, Қаржы вице-министрі Ержан Біржанов ескі көлік иелеріне жеңілдік жасалуы мүмкін екенін айтты.
«Бізде 20-30 жыл бұрын шыққан ескі көліктерге қатысты сұрақтар бар. Ескі машинаға жаңа көлікпен ұқсас ставкамен салық салмау үшін түзету енгізуді ұсынамыз. Халыққа түсетін салмақты азайтатын басқа да ұсыныстар бар. Қымбат көлікке сән-салтанат салығы салынады. Осылайша салық ауыртпалығын тең бөлуге болады. Бірақ бұл ұсыныс қана, нақты шешім емес. Барлық ұсынысты жинап, түпкілікті шешім қабылдаймыз», — деді вице-министр. Оның айтуынша, Салық кодексіне енетін өзгеріс жобасы алдағы уақытта талқыға түседі.
2023 жылы қыркүйекте ҚР Ұлттық экономика министрлігі қозғалтқыш көлемі үлкен автомобильге салынатын салықты сақтай отырып, көлік салығын алып тастауды ұсынған. Алайда шенділер көп өтпей бұл жоспардан бас тартты.
Комментариев: 0