Ерекше Bertone суперкары сатылады

RM Sotheby’s аукционы XXI ғасырдағы Bertone дизайн үйінің ең ерекше автомобилін сатуға қойды. 2012 жылы шыққан Bertone Nuccio купесі — ательенің 2014 жылы банкротқа ұшырағанға дейінгі соңғы авторлық жобасы. Сатушылар машинаны 500 мың еуроға бағалап отыр, бұл қазіргі иесі сатып алған кездегі бағадан төрт есе төмен.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Bertone Nuccio-ның тұсаукесері 2012 жылы Женева автосалонында өтті. Концепт фирманың негізін қалаушы Джованни Бертоненің ұлы әрі ательенің сол кездегі басшысы Нуччио Бертоненің құрметіне аталған. Nuccio-ның сұлбасы 1970 жылдардағы Lancia Stratos Zero сияқты прототиптердің дизайнын еске салады. Бірақ Nuccio тегіс шанағы мен жарық техникасының арқасында әлдеқайда заманауи көрінеді. Сондай-ақ купе алдыңғы бампері, борты және артқы спойлеріндегі торлы қосымша безендірумен ерекшеленеді.

Ателье 2012 жылы Бейжіңде Ferrari F430-ға негізделген Nuccio-ның жолға арналған прототипін көрсетті. Машинаның платформасы ғана емес, 480 ат күшіне ие 4.3 литрлік V8 моторы мен алты сатылы беріліс қорабы да Ferrari F430-дан алынған. Автомобиль әлемнің әр түкпіріндегі бірнеше іс-шараға қатысты. 2014 жылы компания банкротқа ұшырады. Осыдан кейін дизайн үйінің мүлкі саудаға шығып, Nuccio жеке қолға өтті.

Nuccio біршама төмен сомаға бағаланып отыр, өйткені қазіргі иесі автомобильді әу баста 2 млн еуроға сатып алған деген ақпарат бар. Аукцион ұйымдастырушылар суперкар 29 мың км жүргенін айтты. Бірақ оның көбін дизайнерлік эксклюзив емес, донор-машина жүрген болуы мүмкін.