Volkswagen Қазақстанға оралды. Көліктері қанша тұрады?

Volkswagen 19 тамызда топтамасын ресми түрде көрсетті. Бұған дейін марка бізге жаһандық модельдерін ұсынса, енді автосалондарда Volkswagen мен FAW кәсіпорны шығаратын машиналар сатылады.

Топтама тосын сый болған жоқ. Volkswagen-нің ресми дистрибьюторы барлық модельге сертификатты алдын ала рәсімдеп қойған. Қатарда Bora, Passat седандары, Tayron, Talagon кроссоверлері болады.

1 / 10

• 
• 
• 
• 
• 
• 
• 
• 
• 
• 

1 / 10

Бізге Bora атауымен ұзындығы 4.8 метр, дөңгелек базасы 2.73 метр болатын төрт есікті Sagitar L келеді. Автомобильдің қазіргі модификациясы былтыр Чэнду автосалонында жарық көрді. Bora 1.5 литрлік турбомотор (EA211) және 7 сатылы DSG (DQ200) роботымен жабдықталған. Қозғалтқыш 160 ат күші мен 250 Нм момент береді. Bora-ның екі комплектациясы (Trendline және Comfortline) болады. Бастапқы бағасы — 12.9 млн теңге.

Жабдықтар тізіміне алдыңғы орындық пен рөл жылытқыш, климат-бақылау, 12.9 дюймдік мультимедиа экраны, 10.25 дюймдік цифрлық аспаптар панелі, электрондық көмекшілер жинағы, сымсыз қуаттағыш және т.б. кіреді.

1 / 10

• 
• 
• 
• 
• 
• 
• 
• 
• 
• 

1 / 10

Брендтің төрт есікті модельдер қатарындағы флагманы — Қытайда Magotan деген атпен танымал Passat. Жаңа өнімнің ұзындығы 5 метрге жуық, дөңгелек базасы — 2.87 метр. Passat бір ғана қозғалтқыш алады. Ол — 220 ат күшіне ие (350 Нм) 2 литрлік турбомотор (EA888 Gen 3). Агрегат 7 сатылы роботпен (DQ381) жұптаса жұмыс істейді. Седанның екі жиынтығы (Comfortline және Highline) ғана бар. Құны 19 млн теңгеден басталады. Автомобильде матрицалы IQ.Light фарасы, 15 дюймдік мультимедиа экраны, массаж функциясы, алдыңғы және артқы орындықтарды жылытқыш әрі желдеткіш, алдыңғы әйнекке түсетін проекция, IQ.Drive көмекшілер кешені және тағы басқа опциялар бар.

Кроссоверлер топтамасына 4.7 метрлік Tayron қосылады. Ол Еуропадағы Tiguan-ның үшінші буынына жақын. Машина 220 ат күшін беретін 2 литрлік EA888 (Gen 3) агрегатымен және 7 сатылы роботпен жүреді. Ең арзаны 17 млн теңге тұрады. Comfortline, R-Line және R-Line Plus деп аталатын үш комплектациясы бар. Базалық нұсқалар тек алдыңғы жетекті, ал R-Line модификациялары толық жетекті болады.

1 / 10

• 
• 
• 
• 
• 
• 
• 
• 
• 
• 

1 / 10

Tayron-ның стандарт түрленіміне жеті қауіпсіздік жастығы, панорамалы люк, 15 дюймдік сенсорлы экран, рөл мен барлық орындықты жылытқыш, үш аймақты климат-бақылау, электр жетекті жүксалғыш есігі және тағы басқа функциялар кіреді.

Жаңа модельдер арасында ең қымбат Volkswagen — ұзындығы 5.1 метрлік Talagon. Оның екінші қатарда жеке креслолары бар 6 орынды және тұтас диванмен жабдықталған 7 орынды нұсқалары саудаланады. Капот астында EA888 сериялы 2 литрлік мотор тұр, бірақ бұл — заманауи әрі қуатты Gen 5. Агрегат 272 ат күшін (400 Нм) 7 сатылы робот (DQ501) арқылы төрт дөңгелекке береді.

1 / 10

• 
• 
• 
• 
• 
• 
• 
• 
• 
• 

1 / 10

Марка Talagon-ның Comfortline және R-Line деп аталатын екі түрленімін ұсынады. Базалық жиынтыққа панорамалы люк, үш аймақты климат-бақылау, бірінші және екінші қатардағы орындықтарды жылытқыш, рөл жылытқыш, екі сымсыз қуаттағыш, 15 дюймдік мультимедиа экраны, он қауіпсіздік жастығы, электрондық көмекшілер жинағы және т.б. кіреді. Үздік комплектацияға декор элементтер, алдыңғы әйнекке түсетін проекция және алдыңғы орындықтарды желдеткіш қосылады. Бастапқы бағасы — 25.6 млн теңге.

1 / 10

• 
• 
• 
• 
• 
• 
• 
• 
• 
• 

1 / 10

Volkswagen өнімдерін 27 тамызда сегіз дилерлік орталықта ресми сата бастайды. Автомобильдерге 3 жыл немесе 100 000 км кепілдік береді. Бренд 2030 жылға қарай дилерлер желісін 22 автосалонға дейін жеткізіп, топтаманы одан әрі кеңейтуді жоспарлап отыр. Компания Қазақстанға батареялы модельдерін әкеліп, Volkswagen көліктерін Қазақстанда жасауы мүмкін.