2022-2023 жылдары Көктемде ЕЭК Қазақстанға электромобиль кіргізем деген тұрғындар үшін 25 мың квота бөлген. Құжат бойынша жеке тұлға өзі жүргізу мақсатында кедендік тазартудан өткізбей және қосымша құн салығын төлемей шетелден электромобиль әкеле алады, бірақ кейін оны Ресейде сатуға болмайды.
Электромобиль тізгіндеймін дегендердің айы оңынан туғандай болып еді, алайда Kolesa.kz редакциясына оқырманнан «жеңілдік неге тез таусылып қалды?» деген хат келді. Оның сөзінше кедендегі брокерлер 12 % ҚҚС төлеуге міндеттейді екен. Өйткені шекарадан жеңілдікпен өтетін көліктердің Қазақстан үшін белгіленген саны алынып қойған-мыс.
Бір-ақ жазда еліміздегі автопарк бірден 10 мың электрокармен толықты ма деп қуанған Kolesa.kz редакциясы Мемлекеттік кірістер комитетінен Қазақстанда қанша электромобиль жеңілдікпен рәсімделгенін сұрады. Сөйтсе, соңғы бес айда небәрі 7 машина тіркеліпті.
Тағы бір қызық жайт бар. Оқырманымыз да Мемлекеттік кірістер департаментіне сауал жолдаған, оған берген ресми жауап мынадай: «Қазақстан Республикасында ТН ВЭД ЕАЭС 8703 80 000 2 кодымен топтастырылған электрлі қозғалтқышы бар көлік құралдарына квота үлестіретін уәкілетті орган белгіленбеген.»
Демек, кеден брокері квота таусылды деп жалған сөйлеген. Бұл кімнің ойына келгені де түсініксіз.
Жыл аяғына дейін елге әлі 9993 электромобиль кіргізуге болады. Жеке тұлғалар келер жылғы 31 желтоқсанға дейін кедендік төлемдер мен қосымша құн салығын төлеуден босатылады.
Комментариев: 0