Электромобиль үшін сұралатын утилизациялық алымнан бас тартуды 2020 жылы «Оператор ӨКМ» ұсынған еді. Биыл мамырда экология, геология және табиғи ресурстар министрінің міндетін атқарушы тиісті құжатқа қол қойды. Құжат 4 маусымда күшіне енді. Бұдан былай Қазақстан аумағына электромобиль кіргізгенде немесе электрлі көліктер өндіргенде утилизациялық алым төленбейді.
Экология министрлігі осылайша экологияға зияны жоқ техникаға сұраныс артып, отандық электрлі көлік өндірісін ынталандырады деген үмітте. Алайда жеңіл электромобильге төленетін алым сомасы 150 АЕК (437 550 теңге), яғни мың доллар шамасында ғана болғанын ескерген жөн.
36.6 млн теңге тұратын Tesla Model 3 пен 80 млн теңге тұратын жаңа Porsche Taycan-ның мың долларға арзандауы оларды көпшілік үшін қолжетімді етпесі анық. Сондықтан биліктің бұл шешімі елге кіргізілетін қымбат емес электромобильдер бағасына ғана әсер етеді.
Комментариев: 0