Болашақта Қазақстанда электрлі жетегі бар техника үшін утилизациялық алым сұралмауы мүмкін. Бұл электромобиль, жүк көлігі мен автобустарды қамтиды. «Оператор ӨКМ» баспасөз қызметі жобаны Әділет министрлігі қарап жатқанын хабарлады.
Анықтама ретінде: 2021 жылы М1 категориясындағы жеңіл электромобиль үшін 150 АЕК (437 500 тг), автобус үшін (М2, М3) 400 АЕК (1 166 800 тг) мөлшерінде алым төленеді. Кедендік салық көлемі 1 %-ға тең, 2022 жылы нөлдік деңгейге түседі.
«Оператор ӨКМ» Алматыдағы экологиялық таксиге қатысты да ақпарат берді. «Медеу» маңына ең алдымен электротакси пайдаланатын қуаттау бекеті орнатылды.
Мұз айдынынан Шымбұқлаққа JAC iEV7 көліктері қатынайды. Олар елдегі эпидемиологиялық ахуал тұрақталған соң жолға шығады.
Одан бөлек компания биыл республикалық маңызы бар 3000 шақырым жолға қуаттау бекетін орнатуды жоспарлап отыр.
Комментариев: 0