Биыл утилизациялық алым мөлшері қандай болады

Қазақстанда автоөндірушілер, ресми импорттаушылар мен елге шетелден көлік кіргізетіндердің утилизациялық алым төлеуге міндеттелгеніне бес жыл болды. Оның мөлшері айлық есептік көрсеткішке тәуелді. Ал АЕК 2021 жылы 2 917 теңгеге артты. Енді аталған алым мөлшерінің қалай өзгергенін көрейік.

Утилизациялық төлемді есептеуде базалық мөлшерлеме ретінде 50 АЕК қолданылады, оны көліктің түрі мен категориясына байланысты коэффициентке көбейтеміз. Шыққан соманы машинаны ел аумағында алғаш тіркемес бұрын төлеу қажет. Мысалы, 2.5 литрлік моторы бар Toyota Camry үшін 1 458 500 теңге талап етіледі. Ал 3.5 литрлік қозғалтқышы бар Toyota Sienna әкелсеңіз, 3 354 550 теңге жұмсайсыз.

Көлік құралдарына утилизациялық алым төлеуге қатысты базалық мөлшерлеме мен коэффициенттер

Көлік түрі мен категориясы	Утилизациялық алымның базалық мөлшерлемесі	Көлікке утилизациялық алым төлеуге қатысты коэффициенттер	2021 жылғы утилизациялық алым сомасы (тг)
1. G категориясындағы өтімділігі жоғары көліктерді қоса алғанда, М категориясындағы көлік құралдары: жеңіл көліктер*
Гибрид күштік құрылымы бар көліктерді қоспағанда, электрлі қозғалтқышы бар көліктер	50 АЕК	3	437 550
Қозғалтқышының жұмыс көлемі:
1 000 см³-ге дейін;	50 АЕК	3	437 550
1 001 см³-ден 2 000 см³-ге дейін	50 АЕК	7	1 020 950
2 001 см³-ден 3 000 см³-ге дейін	50 АЕК	10	1 458 500
3 001 см³-ден жоғары	50 АЕК	23	3 354 550
2. G категориясындағы өтімділігі жоғары көліктерді қоса алғанда, N1, N2, N3 категрриясындағы көліктер : жүк көліктері
Толық массасы:
	50 АЕК	7	1 020 950
2.5 тоннадан 3.5 тоннаға дейін	50 АЕК	15	2 187 750
3.5 тоннадан 5 тоннаға дейін	50 АЕК	15	2 187 750
5 тоннадан 8 тоннаға дейін	50 АЕК	16	2 333 600
8 тоннадан 12 тоннаға дейін	50 АЕК	19	2 771 150
12 тоннадан 20 тоннаға дейін	50 АЕК	21	3 062 850
ершікті автотартқыштарды қоспағанда, 20 тоннадан 50 тоннаға дейін	50 АЕК	41	5 979 850
20 тоннадан 50 тоннаға дейінгі ершікті автотартқыштар	50 АЕК	11	1 604 350
3. G категориясындағы өтімділігі жоғары көліктерді қоса алғанда, М2, M3 категориясындағы көліктер : автобустар
Гибрид күштік құрылымы бар көліктерді қоспағанда, электрлі қозғалтқышы бар көліктер	50 АЕК	8	1 166 800
Қозғалтқышының жұмыс көлемі:
2 500 см³-ге дейін	50 АЕК	8	1 166 800
2 500 см³-ден 5 000 см³-ге дейін	50 АЕК	16	2 333 600
5 000 см³-ден 10 000 см³-ге дейін	50 АЕК	21	3 062 850
10 001 см³-ден жоғары	50 АЕК	27	3 937 950

(М1 категориясы — жолаушы тасымалдауға арналған және жүргiзушiнің орнынан басқа отыратын орын саны сегiзден аспайтын жеңіл көліктер;

М2 категориясы — жолаушы тасымалдауға арналған және жүргiзушi орнынан басқа сегiзден артық орны бар, максимал массасы 5 тоннадан аспайтын шағын автобустар;

М3 категориясы — жолаушы тасымалдауға арналған және жүргiзушi орнынан басқа сегiзден артық орны бар, максимал массасы 5 тоннадан асатын автобустар;

N1 категориясы — максимал массасы 3.5 тоннадан жоғары жүк көліктері;

N2 категориясы — максимал массасы 3.5 тоннадан жоғары, бірақ 12 тоннадан аспайтын жүк көліктері;

N3 категориясы — максимал массасы 12 тоннадан жоғары жүк көліктері;

G категориясы — өтімділігі жоғары көлік құралдары.)