Электрлі Nissan Juke-тің алғашқы суреттері

Nissan топтамаға қосылатын болашақ модельдері туралы ақпаратты біртіндеп жариялап жатыр. Бұған дейін гибрид Rogue-тің суреттерін көрсеткен компания енді Juke-тің үшінші буынын таныстырды.

Автомобиль 2023 жылғы Hyper Punk концептісіне тән қырлы дизайн алады. Кроссовер әйгілі пішінін және артқы есіктегі жасырын тұтқасын сақтап қалады.

Модель Leaf-тің CMF-EV платформасына негізделеді. Техникалық сипаттамасы да соған ұқсас болуы мүмкін. Мысалы, Еуропада Leaf 174 немесе 215 ат күшін беретін мотормен жабдықталады. Олар сыйымдылығы 52 немесе 75 кВт·сағ батареядан қуат алады, жүріс қоры 436 және 604 шақырымға жетеді.

2027 жылы электрлі Juke шықса да, бренд іштен жанатын қозғалтқышы бар қазіргі нұсқаны бірден конвейерден алып тастамайды. Біраз уақыт екеуі қатар сатылады.