Биылғы COTY сайысындағы жеңіс бұған дейін үздік үштікке де кіріп көрмеген (2016 жылы ХЕ седаны бесінші межеге жеткен еді) британиялық марка үшін ерекше жетістік болды. Сонымен қатар, бұл электромобильдің іштен жанатын қозғалтқышқа ие көліктерден озған екінші сәті (алғаш рет сегіз жыл бұрын бұл Nissan Leaf үлгісінің қолынан кеген болатын).
I-Pace жеңіске оңай жеткен жоқ, себебі электрлі көлік Alpine A110 деп аталатын франциялық спорткупемен тең түсіп, 250 балл жинаған. Сондықтан жеңімпазды біржола анықтау үшін құрамына 23 еуропалық елдің 60 тілшісі кірген қазылар алқасының әр мүшесінің жеке пікірі есепке алынған. Нәтижесінде ағылшындық темір тұлпар қарсыласын шаң қаптырды.
Үшінші орын Kia Ceed (247 балл) хэтчбегінің еншісінде, ал төртінші орын 235 балл жинаған Ford Focus көлігіне бұйырды. Одан кейінгі орындарды Citroen C5 Aircross (210), Peugeot 508 (192) және A-классты Mercedes-Benz (116) автокөліктері бөлісті.
Комментариев: 0