Елдің солтүстігінде қар жауып, көктайғақ болады

Алғашқы қалың қар Солтүстік Қазақстан облысының жолдарын басып қалды, түнге қарай бұл аймақта және басқа да өңірлерде, соның ішінде астанада аяз болады. Күшті болмаса да, жолды мұз басатыны анық.

Қазір мына жол учаскелерін аздаған қар басты:

• А-16 «Жезқазған — Петропавл» (954-810-шақырым);
• А-21 «Мамлютка — Қостанай» (0-180-шақырым);
• А-1 «Астана — Петропавл» (473-420-шақырым);
• Р-67 «Петерфельд — Архангелька — Новокаменка — А16» (0-30-шақырым);
• М-51 «Челябинск — Новосибирск» (550-496-шақырым);
• Р-49 «Петропавлды айналып өтетін жол» (0-14-шақырым);
• А-12 «Петропавл — Соколовка — Ресей шекарасы» (0-72-шақырым).

Қар жауған трассада жол тазалайтын техника жұмыс істеуде. Жолға құм-тұз қоспасы себіліп жатыр.

Синоптиктердің болжауынша 11 қазанда Астанада жаңбыр жауып, кешке қарай арты қарға айналады. Ертең, 12 қазанда қар, боран күтіледі. 11 қазанда күндіз температура +8-10 °C-қа дейін түссе, ал 12 қазан түнде −2-4 °C болады, күндіз 0 және −2 °C-қа дейін төмендейді.

Ақмола облысында 11 қазанда жауын-шашын күтіледі, күндіз облыстың оңтүстігі мен шығысында қатты жаңбыр мен қар жауады; 12 қазанда — қар, боран, көктайғақ; 11 қазанда күндіз температура 5-10 °C жылы, ал облыстың солтүстігінде 2 °C жылы болады; 12 қазанда түнде −2-7 °C, күндіз 0 және −5 °C аралығында болады.

Қостанай облысында 11 қазанда жауын-шашын (жаңбыр, қар), боран, ал батыс және солтүстігінде көктайғақ күтіледі. Облыстың оңтүстігін тұман басады; 12 қазанда оңтүстігінде және облыс орталығында қар, боран, көктайғақ болады; 11 қазанда ауа температурасы түнде 0 °C, −5 °C, күндіз −2 °C пен +3 °C аралығында болады; 12 қазанда түнде −2-7 °C, күндіз 0 °C, −5 °C.

Посмотреть эту публикацию в Instagram

Публикация от Vladimir🇰🇿 • Орыс Батыр • Stories and Travels • Личный бренд (@vladimir_pekarskiy)

Солтүстік Қазақстан облысында 11 қазанда күндіз ауа температурасы −2 °C пен +3 °C-қа жетеді. Батыста, солтүстікте және шығыста жауын-шашын (жаңбыр, қар), боран, көктайғақ күтіледі. Түнде — 0 °C, −5 °C. 12 қазанда түнде −2-7 °C. Облыстың солтүстігінде, оңтүстігінде және шығысында қар, боран,көктайғақ болады. Түнде және таңертең батыс пен солтүстікті тұман басады. Күндіз 0 °C, −5 °C, жауын-шашынсыз.

Павлодар облысында 11 қазанда күндіз температура күрт төмендейді, +5-10 °C, көктайғақ болуы мүмкін; 12 қазанда қар жауып, облыстың солтүстігі мен шығысында қатты қар, боран, көктайғақ болады. Түнде температура −2-7 °C, күндіз 0 °C, −5 °C-қа төмендейді.

Жүргізушілер сақ болып, жолға шығар алдында шиналардың жағдайын тексеру керек! Қысқы дөңгелектерге ауысқан жөн, себебі жылы күндер азайып, суық күндер жақындап келеді.

Алматыда бүгін ауа райы құбылмалы, жаңбыр жауады, түнде температура +10-12 °C, күндіз +22-24 °C. Шымкентте бұлтты, жаңбыр жауады, түнде +12-14 °C, күндіз +19-21 °C.

Жол анық көрінбейтін жағдайда жолға шыққанда нені ескеру керек екендігі туралы редакция мақала жазған: онда тұманға қарсы шамдар және тағы басқа да заттар туралы мәлімет бар.