Алматыда қар қалың жауып, бір түнде 33 жол апаты болды

Желтоқсанның ортасына таяғанда қыс қылышын сүйретіп Алматыға да жетті, шаһар көшелерін қар басып, аяз қысты. Полиция департаменті берген мәліметке сүйенсек, кеше кеш батқаннан бүгін таңғы 6:00-ге дейін 33 көлік апаты тіркелген. Төрт апаттан адамдар жарақат алыпты.

Тәртіп сақшылары жүргізушілерден аса сақ болуды сұрады.

«ҚазАвтоЖолдың» жағдаяттық орталығы мегаполис маңында бензинді машина мен қоғамдық көлік қозғалысы шектелгенін хабарлады. Біз материалды жариялаған уақытта мына жол бөліктері жабық тұрды:

• Алматы — Өскемен тас жолының Қонаевтан Жетісу облысының шекарасына дейінгі арасы (25-124-км);
• Алматы — Көкпек — Көктал — Қорғас трассасының Төре ауылынан Лаварға дейінгі бөлігі (44-109-км).

Қазгидромет алдағы бірнеше күн Алматыда аяз болатынын хабарлады. Бүгін сынап бағаны 13 градусқа төмендесе, ертең 20 градусқа дейін түседі екен, ал түнде 25 градус аяз болады.