Қазақстан автобизнес қауымдастығы (ҚАБҚ) елде шығатын автомобиль саны айтарлықтай өскенін хабарлады. Биыл қаңтар мен ақпанда зауыттар 20 мыңға жуық (дәлірек айтқанда 19 537) машина құрастырды, ал 2022 жылдың алғашқы екі айында 14 280 көлік қана шыққан болатын. Өндіріс көлемі 36.8 %-ға артып отыр. Дегенмен былтыр жыл басы автоөндіріс үшін тиімсіз болғанын айта кеткен жөн. Мысалы, 2022 жылғы қаңтарда автосалондар 4 мыңға жетпейтін көлік өтті.
Қаржылық тұрғыдан алғанда да 2023 жылдың қаңтар мен ақпаны үздік нәтиже көрсетті. Былтыр 14 280 автомобиль 133.6 млрд теңгеге бағаланса, биылғы 19 537 машинаның құны 232 млрд теңгеге жетті. Демек өсім 73.6 % болды.
Біз айтып отырған 19.5 мың автомобильдің 17.5 мыңы жеңіл көлік пен жеңіл коммерциялық техника. Одан бөлек екі айда 1 562 жүк көлігі, 263 автобус, 158 тіркеме не жартылай тіркеме және 27 арнайы техника шықты.
Елдегі автоөндіріс саласында Қостанайдағы Allur зауыты көш бастап тұр, онда Chevrolet, Kia және JAC көліктері шығады. Қаңтар мен ақпанда аталған зауыт 10.6 мың автомобиль құрастырды. Екінші орында 7.5 мың машина шығарған Алматыдағы Hyundai зауыты тұр, ал үздік үштікті СемАЗ түйіндеді, олар 576 коммерциялық техника жасады.
Chevrolet ресми автонарықта көш бастап тұрғанымен, Қазақстанда Hyundai-ге қарағанда аз өндіріледі екен, өткен екі айда елімізде 7477 Hyundai, 4102 Chevrolet шығыпты.
Комментариев: 0