2023 жылдың алғашқы жартысында Қазақстанда 66 551 жеңіл автомобиль мен жеңіл коммерциялық техника шықты, бұл былтырғы сәйкес мезгілмен салыстырғанда 41.6 % көп. Бұдан бөлек зауыттар 4722 жүк көлігі мен 1095 автобус құрастырды. Қазақстан автобизнес қауымдастығының (ҚАБҚ) есебінше автоөнеркәсіп 73 055 көлік құралын өндірді, бұл былтырғы көрсеткіштен 40.6 % жоғары.
Қазақстан автоөндірісінің көшбасшысы — Қостанайдағы Allur компаниясына тиесілі зауыт. Онда Chevrolet, Kia және JAC көліктері шығады. Биыл алты айда кәсіпорын 44 214 техника (+38.2 %) жасады, оның 17 386 данасы Chevrolet өнімдері.
Алматыдағы Hyundai Trans Kazakhstan 24 509 автомобиль (+45.5 %) өндірді. Allur бірнеше марка өнімін шығарса, Алматыдағы зауыт тек «Хёндэ» құрастырады. Демек «Қазақстанда жасалған» маркалар тізімінде Hyundai бірінші орында тұр.
Елдегі көлік құрастыратын өзге зауыттардың нәтижесі мәз емес. Мысалы, Семейлік СемАЗ 1 887 дана коммерциялық техниканы (+57.3 %) конвейерден түсірді. Көкшетаудағы
Биыл ең танымал модельдер тізімінде Chevrolet Cobalt көш бастап тұр. Бірақ жарты жылда Cobalt-тың 9690 данасы шыққанмен, 14 851 көлік сатылған. Мұның екі түрлі себебі болуы мүмкін: 1) иесін тапқан седанның басым бөлігі конвейерден былтыр түскен; 2) сатылған көліктің жартысы Қостанайда емес, Өзбекстандағы Асака қаласында жасалған.
Комментариев: 0