Ел ішінде сатылған көлікке де сән-салтанат салығы салынады

Сенаторлар жаңа он пайыздық акцизді қолдану аясын кеңейтуді ұсынды. Бүгін олар жаңарған Салық кодексінің жобасын мәжіліске кері қайтарды. Құжатқа сәйкес Салық кодексінің 537-бабында кедендік құны 75 млн теңгеден асатын жеңіл автомобиль мен өзге моторлы көлік құралы құнының 10 %-ына тең болатын жаңа акциз пайда болады.

Депутаттар қымбат мүлікке салық салу туралы кодекс жобасын толықтыруды ұйғарды. Бұл жаңа акциз тек жеке тұлғаларға қатысты. Сенаторлар көлік импорттағанда ғана емес, ел ішінде саудалағанда да 10 % алуды ұсынды.

Автомобиль құны 75 млн теңгеден жоғары не төмен екені қалай анықталатаны әзірге белгісіз. Бұл мәселені төменгі палата шешуге тиіс. Олар Kolesa.kz редакциясы байқаған кодекс жобасындағы кемшілікті түзетеді деп үміттенеміз.

Жаңалықтарды бақылап отырыңыз.