Былтыр 25 сәуірден бастап Қазақстанда автомобильді кедендік рәсімдеу және тіркеу үшін қажет көлік құрылымының қауіпсіздігі туралы куәлік цифрлы болды. Куәлікті «Бірыңғай терезе» ақпараттық жүйесі арқылы онлайн рәсімдей бастады.
Рәсімдеу әділ болды және куәлік беруден «үздіктерді» анықтауға мүмкіндік берді. Алайда кейбір аккредитациядан өткен зертхана құжаттарды рәсімдеген соң одан бас тартып, орнына кедендік рәсімдеу, утиль алым мен көлікті тіркеу төлемдеріне әсер ететін автомобильдің басқа сипаттамасын енгізе бастаған.
Зертхана қызметкерлері кедендік баж салығын төмендету және экокласс бойынша шектеуді айналып өту үшін елге келген машинаның шыққан жылын өзгерткен. Кейбіреулер қозғалтқыш көлемін төмен етіп көрсеткен, осылайша утиль алымы арзанырақ шыққан. Кедендік рәсімдеу және утиль алымын төлегеннен кейін автомобильді Қазақстанда тіркеу алдында көлік құрылымының қауіпсіздігі туралы куәлікке дұрыс ақпаратты қайта енгізген. Бірақ бұл нақты емес, өйткені бастапқы тіркеу үшін де алым төленеді, мұнда темір тұлпардың шыққан жылы алым мөлшеріне әсер етеді: неғұрлым жаңа болса, соғұрлым төмен.
Машина алып келгендер зертханалармен қалай келіскенін болжау қиын емес.
Реестрді талдау көрсеткендей, былтыр сегіз айда Қазақстанда шамамен 145 мың куәлік берілген, ал кірген автомобильдердің шыққан жылы, салмағы, қозғалтқыш көлемі және категориясы сияқты маңызды сипаттамаларға бір жарым мыңға жуық өзгеріс еніпті. Әзірге билік заңсыз жұмыс жасаған зертханаларды жауапқа тарта алмады. Жоба авторларының айтуынша бұған Кәсіпкерлік кодекстің шектеулері, істі ұзаққа созатын шағымдар жол бермеді.
Жағдайды қолға алу үшін комитет куәлік рәсімделетін сәйкестікті бағалау ережелерін түзету және «Бірыңғай терезе» ақпараттық жүйесіне мынадай өзгеріс енгізуді шектеу туралы шешім қабылдады:
- көліктің жарақталған массасы (кг);
- техникалық жағынан рұқсат етілетін ең жоғары салмағы (кг), ось/дөңгелек саны (О категориясы);
- шыққан жылы;
- категориясы;
- экологиялық класы;
- өлшемі (ұзындығы, ені, биіктігі, базасы).
Комитет көлік құрылымының қауіпсіздігі туралы куәліктен бас тартуға немесе өзгертуге негiз болғанын дәлелдейтін материалды тiркегенде ғана жоғарыда аталған деректердi түзетуге рұқсат беруді ұсынып отыр. Бұйрық жобасы жария талқылау үшін «Ашық НҚА» порталында жарияланды.
Комментариев: 0