Egov Mobile арқылы полицияға шағымдануға болады

Қызметті пайдалану үшін Egov Mobile қосымшасына кіріп, геолокацияны (жүйе орналасқан жеріңізді автоматты түрде анықтайды) анықтауға рұқсат беру қажет, содан кейін басты беттегі «Заң мен тәртіп» батырмасын басасыз. Хабарлағыңыз келетін жағдайды таңдайсыз. Пайдаланушы жол-көлік оқиғасы, жол ережесін бұзу фактісі туралы мәлімет бере алады немесе полиция қызметкерінің әрекетіне шағымдана алады.

Жол апаты туралы хабарламада оқиға орнын көрсетуге және сурет қосуға (міндетті емес) болады.

Жол ережесін бұзу фактісі туралы хабарлағанда тұрғылықты мекенжайыңызды, қай жерде ереже бұзылғанын, оқиғаны сипаттап, бар болса фото, видео немесе құжат тіркеу керек.

Полицияға шағымданғанда ЖСН, аты-жөніңіз бен мекенжайыңызды жазып, жеке куәлік немесе адвокат куәлігінің суретін жүктеп, жағдайды сипаттап, фото, видео немесе құжат сияқты қосымша файлдарды қосасыз.

ІІМ мәліметінше қазір сервис кейбір банк қосымшасында бар.