Кеден одағы комиссиясының «Еуразиялық экономикалық одақтың бірыңғай кедендік-тарифтік реттеуі туралы» шешімі 7 тамызда өзгерді. Ол 17 тамызда, яғни келесі дүйсенбіден бастап күшіне енеді.
Құжатта Армения азаматы жыл аяғында дейін 20 мың электромобиль, ал Қырғызстан халқы 25 мың электрокарды кедендік баж бен басқа міндетті төлемсіз әкеле алады деп жазылған. Бұған дейін бұл елдер 15 мың экологиялық таза көлік кіргізуге квота алды.
Былтыр қазанда Қазақстанға электрокар кіргізуге берілген квота таусылды, ал билік биыл жаңа квота алуға өтінім бермеді. Өйткені ДСҰ нормасына сәйкес жеке тұлға электромобиль үшін кедендік баж төлеуден онсыз да босатылған. Тек ҚҚС төлейді. Қыркүйекте импортқа қатысты жаңа талаптар жеке импорттаушыларға арналған рәсім мен төлем тәртібін өзгертуі мүмкін. Kolesa.kz редакциясы жағдайды назарда ұстайды.
Комментариев: 0