Биыл 12 наурыздан бастап камералар қауіпсіздік белдігін тақпаған және рөлде отырып телефон қолданған жүргізушілерді тіркей бастады. Көкшетау полициясы ереже бұзғандарды квадрокоптердің көмегімен ұстап жатыр. Әлеуметтік желіде тараған видеодан тәртіп сақшыларының қала көшелерін әуеден бақылап жатқанын көруге болады.
Бейнежазбадан жүргізушілердің қолындағы телефонды анық көре аласыз. Полиция квадрокоптердің көмегімен қауіпсіздік белдігін тақпаған, телефон пайдаланған, жаяу жүргіншіге жол бермеген, жолды өткелден басқа жерден кесіп өткен және бағдаршам сигналын елемегендерді байқайды.
Дрондар айыппұл жазбайды. Техника ақпаратты патрульге жібереді, олар жүргізушіні тоқтатып, ереже бұзғанын көрсетіп, хаттама толтырады.
Жергілікті полиция департаментінің мәліметінше негізгі мақсат — айыппұл санын арттыру емес, заң бұзатындарды ескерту және көлікті қауіпсіз жүргізу мәдениетін қалыптастыру.
Полиция басқа өңірлерде ереже бұзу фактісін дрон арқылы тіркеп жатыр ма, белгісіз. Тәртіп сақшылары дронды Көкшетауда ғана емес, басқа өңірлерде пайдаланған. Бұған дейін ұшатын аппаратты қала сыртындағы трассаларда қолданып, басып озу ережесін бұзған және қарсы жолаққа шыққан жүргізушілерді анықтады.
Комментариев: 0