Dreame тағы бір концептісін көрсетті

Автоөндіріс саласына аяқ басқан шаңсорғыш шығаратын компания батыл концептілерін таныстыра бастады. Dreame-нің кезекті өнімі жоғары технологиялы SUV өндірісіне жауапты Star Motor суббрендінің атынан жолға шығады.

Компания жария еткен фотосуреттен модель төрт есікті кросс-купе екені көрініп тұр, дизайнерлер оны Еуропаның қымбат маркаларына тән стильде әрлепті.

Электромобильдің есігі айқара ашылады, ортасында тіреу жоқ. Фирма көліктің күштік құрылымына қатысты ештеңе айтпады, бірақ ол алдыңғы шоу-карлар сияқты толық басқарылатын шасси алуы мүмкін.

Машинаның тауар түріндегі нұсқасы конвейерге тұра ма, әлде бұл жұрттың назарын аудару үшін жасалған дүние ме, әзірше белгісіз. Қыркүйекте Чэнду қаласында автосалон өтеді. Dreame сол кезде көп сұраққа жауап береді деген болжам бар.