Toyota Land Cruiser 300 бұған дейін ЕЭО елдерінде тек бензинді мотормен ұсынылды: арзан нұсқаларына 4 литрлік атмосфералы мотор, қымбат көліктерге 3.5 литрлік турбоүрлемді қозғалтқыш қойылған. Енді сол қатарға дизельді мотор қосылды. Ресейде 299 ат күші мен 700 Нм момент беретін 3.3 литрлік дизельді V6-мен жабдықталған жол талғамайтын көлікке тапсырыс қабылданып жатыр. Мұндай агрегаттың қуаты бұрынғы 4.5 литрлік V8-ден 50 ат күші мен 50 Нм-ге артық. Ол 10 сатылы автоматпен жұмыс істейді.
LC300-дің дизельді нұсқасы жүзге дейін жылдамдықты 6.9 секундта алады, ал аралас режимде жүз шақырымға небәрі 8.9 литр жанармай жұмсайды.
3.3 литрлік мотор қойылған Toyota Land Cruiser 300-дің бағасы Ресейде 5.6 млн рубльден басталады. Жол талғамайтын көлік бірнеше комплектацияда ұсынылады, соның ішінде үздік мерейтойлық нұсқасы да бар. Ол 7.6 миллион рубль тұрады.
Дизельді LC300 Қазақстанға да келеді. Бірақ бренд өкілдері нақты уақытын айтқан жоқ.
Комментариев: 0