Volkswagen ID.3-тің қуаты артты

Компания ID.3 топтамасының кезекті жаңартуы туралы хабарлады, GTX хот-хэтчті есептемегенде, ең қуатты жаңа нұсқасы шықты. Pro S деп аталатын ID.3 басқа мотормен, жаңа медиажүйемен және эргономикалық интерьермен жабдықталды.

Жаңа ID.3-ке бренд кем дегенде 2021 жылдан бері пайдаланатын 231 ат күшін беретін агрегат орнатады. Көліктің динамикасы артты, алғашқы жүздікті 7.1 секундта еңсереді, бұл 204 ат күші бар модификациядан 0.3 секундқа жылдамырақ. Pro S нұсқасы тек 77 киловатт батареямен жабдықталады, қайта қуаттаусыз жүріс қоры 559 шақырымға жетеді.

Жаңа өнімнің күштік электроникасы 175 кВт-қа дейін ток қабылдай алады, бұл бұрынғыдан 5 кВт артық. Компания бұл қуаттау уақытын бірнеше минутқа қысқартатынын айтты. ID.3 Pro S-те аккумуляторды алдын ала қыздыру жүйесі бар. Хэтч навигаторда баратын жер қуаттау станциясы деп белгіленсе батареяны қуаттауға дайындай алады.

1 / 4

• 
• 
• 
• 

1 / 4

Басқа жаңартуларға 12-ден 12.9 дюймге ұлғайған медиажүйенің экраны және оған арналған ChatGPT чат боты бар жаңа бағдарламалық жасақтама кіреді. Әзірлеушілердің айтуынша бұл дыбысты көмекшімен сөйлесуді еркін етеді. Бұрын аспаптар панелінің оң жақ шетінде орналасқан беріліс режимінің селекторы рөл жаққа ауысты. Жүргізуші көмекшілерінің жинағы кеңейді. Борттық қосымшалардың ішінде жарықтың, климаттың және арнайы бапталған дыбыстардың ерекше жұмыс режимдерінің арқасында сергіп алуға немесе демалуға көмектесетін Wellness деп аталатын жаңа қосымша пайда болды. Опциялар тізіміне Harman Kardon акустикасы кіреді.

Бренд Еуропада ID.3 Pro S-ке тапсырыс қабылдауды бастады. Жаңа өнімнің бағасы 47 595 еуро болды, яғни Pro S үшін қосымша төлем 7.6 мың еуроны құрайды.