Алдағы демалыс күндері Алматы — Астана трассасының 76-шақырымында орналасқан Sokol кешенінде Drag Wars жарысының үшінші кезеңі өтеді. Шабандоздар бірнеше класс бойынша бақ сынайды. Олар машинаның жетек түріне немесе қозғалтқыш қуатына емес, 402 метрді жүріп өту уақытына қарай бөлінеді. Ең баяу категорияға межені 13–14 секундта бағындыратын көліктер кірсе, Unlim деп аталатын ең жылдам класқа ширек мильді 9.5 секундтан аз уақытта еңсере алатын арнайы болидтер ғана қатысады.
24 шілде, жұма күні сағат 20:00-де іріктеу жарысы басталады, ал негізгі жарыс 25 шілде, сенбі 20:00-ге жоспарланған. Кіру ақылы. Жұмада билет бағасы — 3000 теңге. Сенбіде трибунаға кіру құны — 5000 теңге. Жабық техникалық паркке кіруге мүмкіндік беретін VIP-билетті онлайн аласаңыз 10 000 теңге төлейсіз. Кассада 7000 және 12 000 теңге тұрады.
Sokol SBK, 25 шілде
Drag Wars-пен бір уақытта Sokol автодромында жаңа Sokol SBK Cup сериясының екінші кезеңі өтеді. Іс-шара әдеттегідей екі сайысты қамтиды, онда Open 400, Supersport және Superbike сияқты бірнеше кластағы мотоциклдер бірігіп сынға түседі.
Мотошабандоздар 16:00-де әкімшілік бақылаудан өтсе, көрермен 19:00-де кіреді. Дәл осы уақытта іріктеу кезеңі басталады. Содан кейін екі жарыстың алғашқысы әрі қысқасы — бес айналымнан тұратын спринт өтеді.
Шараны тамашалау ақылы, билет құны — 3500 теңге. 8 жасқа дейінгі балалар тегін кіреді.
Комментариев: 0