Дәурені өткен Детройт автосалоны

Автоиндустрия саласындағы ресми шаралардың сиқы кетіп, күйі қашқаны пандемия басталмай тұрып-ақ байқалған, өйткені компаниялар клиентіне өнімін таныстырудың басқа тиімді жолдарын тапты. Мұны биыл тағы есігін ашқан Детройттағы автосалон растаған секілді.

Бұл жолы Ford Mustang RTR және Mustang GTD Spirit of America тюнингтерінің ғана тұсаукесері өтті деп жазды Carscoops. Автоөндірушілердің көбі бұл шараға мүлде назар аудармай, дилерлерге подиумды өз бетінше толтыруға мүмкіндік берді. Ал мұндағы ең ауқымды шара «Солтүстік Америкадағы жыл автомобилі» байқауының қорытындысы болды.

1 / 6

• 
• 
• 
• 
• 
• 

1 / 6

Жаңа модельдер қатыспаған соң ұйымдастырушылар жол талғамайтын көліктерді тізіп қойып, сән көрсеткендей сыңай танытты, кейін қонақтарды павильон ішінде тест-драйв өткізуге шақырып бақты. Одан бөлек киномобильдер бұрышын жасапты. Мына машина таныс па?

Басылым тілшілері Брюссель мен Токиода өтетін автосалондарға, сондай-ақ электрокар өнеркәсібіндегі маңызды жаңалықтар жария болатын CES электроника көрмесіне барған дұрыс деп санайды.