Жарысқа арналған e-Blast 1 жол талғамайтын көлігін GCK Motorsport мамандары жасады. Электромобиль Peugeot 3008 DKR шассиіне негізделген. Сыйымдылығы 150 кВт·сағ аккумулятор батареясынан қуат алатын күштік құрылым 340 ат күші мен 1001 Нм айналу моментін береді.
Қазір машина сынақтан өтіп жатыр, ресми түрде 2021 жылдың алғашқы айында көрсетіледі. Биылғы сайысқа ол әлі дайын емес, бірақ 2022 жылы өтетін «Дакарда» төбе көрсетуі әбден мүмкін. Бұл электромобильді табиғатқа жанашыр командалар сатып алса болады. GCK Motorsport шеберлері болашақта сутекті күштік құрылымы бар багги шығаруды да жоспарлап отыр.
Алдағы он бес жылда көптеген автоөндірушілердің іштен жанатын қозғалтқышы бар көлік шығарудан бас тартуды мақсат еткенін ескерсек, әлемдік деңгейдегі жарыстарға электромобильдің қатысуы таңғалатын құбылыс емес.
Комментариев: 0