28 қыркүйекте «КАМАЗ-мастер» командасы биыл 31 желтоқсан мен 2023 жылғы 15 қаңтар аралығында Сауд Арабиясында өтетін «Дакар» раллиіне шықпайтынын мәлімдеді. Ресейлік шабандоздар Украинадағы соғысты құптамайтынын растайтын құжатқа қол қоюдан бас тартқан, онсыз Халықаралық автомобиль федерациясы (FIA) жарыс жолына шығармайды екен.
Команда саяси сипаттағы мұндай құжатқа қол қою және сондай шартпен жарысқа қатысу мүмкін емес екенін айтты.
«Осымен нүкте қойылды, сол себепті релиз жарияладық. Келіссөз кезеңі аяқталды, басқа нұсқа жоқ. Биыл «КАМАЗ-мастер» ұжымының құрылғанына 34 жыл болады, өкінішке қарай 30 жылдан астам тарихымыз болса да, «Дакарға» қатысудан бас тартуға мәжбүр болып отырмыз, — деген команда басшысы Владимир Чагинның сөзін РИА «Новости» жазды.
Комментариев: 0