Cadillac Optiq-тің сипаттамасы белгілі болды

Cadillac бұған дейін Қытайда жарық көрген Optiq электромобилінің сипаттамасын жариялады. Кроссовер Lyriq-тен бір саты төмен орналасады, оның толық жетекті нұсқасы ғана шығады. Жергілікті БАҚ жаңа өнім Tesla Model Y-мен бәселекес болатынын айтты.

1 / 6

• 
• 
• 
• 
• 
• 

1 / 6

Америка нарығына арналған Optiq-тің экстерьері ескі Lyriq моделіне ұқсайды. Салонда диагоналі 33 дюйм болатын ойыс дисплей және 19 динамигі бар AKG акустикасы бар. SuperCruise «автопилоты» барлық комплектацияда болады.

4.8 метрлік Optiq-тің дөңгелек базасы 2.95 метр болады, бұл Lyriq-тен 150 мм қысқа. Бірақ жаңа өнім артқы диван мен жүксалғыш көлемі бойынша сегментте көш бастайды.

1 / 6

• 
• 
• 
• 
• 
• 

1 / 6

Optiq моторы шамамен 300 ат күшін (480 Нм) береді, 85 киловаттық батареяның арқасында жүріс қоры 480 км-ге жетеді. 10 минутта 130 шақырым жол жүруге жететін энергия қорын толтыруға болады. Қытайда модельдің бір моторлы нұсқасы бар, бірақ ол АҚШ нарығына шықпауы мүмкін.

Optiq өндірісі биыл күзде басталады. Жаңа өнімнің құны — 54 мың доллар (24 млн теңге). Бұл үлкенірек Lyriq-тің бастапқы бағасынан 4.5 мың ғана төмен. Ал электрмобиль сегментінде әлдеқайда беделді Model Y Performance 51.5 мың доллар тұрады. Cadillac электрокары дәстүрлі премиум брендтерді жақсы көретін консервативті клиенттерге арналған.