BYD Yangwang U7 суперседанын көрсетті

BYD концерні Yangwang премиум топтамасындағы үшінші модельдің суреттерін жариялады. Тыңшылар түсірген суреттерде U6 ретінде белгілі болған седан U7 индексін алды. Көлікке мың ат күшінен асатын төрт күштік құрылым орнатады, құны миллион юань (63 млн теңге) шамасында болады.

Алғашқы суреттерден U7-нің сыртқы дизайны U9 суперкарымен бір стильде жасалғаны көрінеді. Купе мен седанның оптикасы мен алдыңғы дөңгелек аркасының жиегі ұқсайды. Капот дизайны ұстамды, қапталы ерекше қатпармен әрленіп, арты тік бұрышты етіп жасалған.

Компания U7 аэродинамика жағынан ең үздік седан болатынына сенімді. Оның аэродинамикалық кедергісі 0.195 болады. Бұл еуропалық бәсекелестеріне қарағанда жақсы. U7 тұсаукесерге дайындалып жатқанда Xiaomi тура сондай көрсеткішке ие SU7 моделін шығарып үлгерді.

Седан тиімділігі жоғары e4 платформасын пайдаланады, бірақ энергиямен жарақталуы жағынан қарапайым болады. U7 нарыққа гибрид болып шығады, электрлі моторды генератор рөлін атқаратын дәстүрлі мотор толықтырады. Осындай конфигурациядағы күштік құрылым U8 моделіне орнатылған.

Саудаға шығатын күні белгісіз. Қытайлық БАҚ таратқан ақпаратқа сүйенсек, алғашқы суреттерді аяқ астынан жариялауы жергілікті өнеркәсіпті артта қалдырғысы келетінін білдіреді. Сертификаттау деректерін жариялау мерзімі жақындап қалғандықтан BYD министрліктің фотографтарына үміттенбей, өзі жаңа модель туралы мәлімет тарата бастады.