BYD-дің алғашқы автосалоны биыл қаңтардың басында Алматыда ашылып, саудасын бастап кетті. Бірақ брендтің еліміздегі жаңа бастамасы ресми түрде 28 ақпанда өтеді.
Модельдер қатары
Бұған дейін бастапқы кезеңде автосалондарда үш автомобиль сатылатыны белгілі болды. Бұл — гибрид және электрлі нұсқадағы алдыңғы жетекті Song Plus, 517 ат күшін (700 Нм) беретін, жүріс қоры 565 шақырымға жететін толық жетекті Han электрлі седаны.
Song Plus EV-дің бастапқы бағасы — 15.7 млн теңге, гибрид Song Plus DM-i — 17.9 млн теңге, ең қымбаты — флагмандық Han, арнайы ұсыныстарды есепке алмағанда 22.5 млн теңге тұрады.
2025 жылдың екінші жартысында BYD топтамасына Yuan Up және Sealion 07 кроссоверлері қосылады. Біріншісі — ұзындығы шамамен 4.3 метр және дөңгелек базасы 2.62 метр болатын арзан компакт көлік. Ол 177 ат күші бар қозғалтқышпен жабдықталады, жүріс қоры 401 шақырымға жетеді. Sealion 07 үлкенірек: ұзындығы — 4.83 метр, ось арасындағы қашықтық — 2.93 метр. Толық жетекті түрленімі 530 ат күшіне ие күштік құрылыммен жүреді және қайта қуаттаусыз 550 шақырым еңсереді.
Бұнымен жаңа модельдердің тізімі аяқталмайды. Елдегі BYD дистрибуциясының директоры Антон Кущ компанияның Chazor (Қытайда — Destroyer 05) және Qin L гибрид седандарын да әкелу мүмкіндігін қарастырып жатқанын атап өтті. Біріншісі Өзбекстанда сатылады және оны Жизақ облысындағы BYD Uzbekistan Factory зауыты құрастырады. Дегенмен бұл модельдер қашан келетіні әлі белгісіз.
Антон Кущ бұған дейін BYD суббрендтері — Denza, Fang Cheng Bao (Leopard) және YangWang автомобильдерін де Қазақстан нарығына шығару ниеті туралы айтқан еді.
Кепілдік және қызмет көрсету
Барлық машинаға 6 жылдық жалпы кепілдік (150 000 км) беріледі, бірақ аккумуляторларға кепілдік мерзімі 8 жылға дейін ұзарған, ал жүріс бөлігіне керісінше, 4 жыл немесе 120 000 км дейін қысқарды.
BYD өкілдері электромобильдер мен гибридтер жергілікті жол және климаттық жағдайларға бейімделгенін, ал интерфейсі қазақ және орыс тілдерінде қолжетімді екенін еске салды.
Бренд «сұр» автомобильге кепілдік бермейді, бірақ оларға қызмет көрсетеді. Бұл BYD көліктеріне ғана емес, «леопард» секілді суббренд модельдеріне де қатысты. Сервис орталығы ашылған сәттен бастап 250 бейресми автокөлік барыпты.
Компания клиенттер қосалқы бөлшектерді айлап күтпейді деп сендірді және Алматыдағы қоймада қызмет көрсетуге қажет бөлшектердің
Сату жоспары
Биыл дистрибьютор 2.5 мыңнан астам машина сатуды жоспарлап отыр. Компания гибрид модельдерге, атап айтқанда, қазір ұсынып отырған жалғыз модель — Song Plus
BYD Қазақстанда жасала ма?
BYD Қазақстан аумағында жеңіл көлік өндірісін бастау туралы нақты ақпарат бермеді. Дегенмен биыл Қытай автоөндірушісінің кем дегенде бір моделі елімізде құрастырылуы мүмкін. Ол — автобус. Жақында Алматы әкімдігі мен BYD компаниясы Astana Motors-пен бірлесіп электробустар өндірісін іске қосу туралы келісімге келгені белгілі болды. Бұл автобустар Hyundai Trans Almaty өндіріс алаңында жасалады.
Алдын ала мәлімет бойынша зауытта 105 жолаушы сыятын BYD eBus B12 электробусы құрастырылады. Бұл автобус 500 кВт·сағ батареяның арқасында қуаттаусыз 600 км жүре алады. Ол автотежеу, көрінбейтін аймақты, жолақты бақылау және бейімді круиз-бақылау сияқты заманауи электронды көмекшілердің жинағымен жабдықталған.
Комментариев: 0