Huawei-мен бірлесіп Aito брендін жасаған Seres концерні мен «Вираж» компаниялар тобы Aito брендінің Қазақстанға келетінін жариялады. Компания гибрид күштік құрылымы бар үш моделін ұсынады.
«Вираж» компаниялар тобы коммерциялық көлік, ауыл шаруашылығы техникасы, Chevrolet және Bestune жеңіл көліктерін өндіруші әрі сатушы ірі компания ретінде танымал. Қазір Seres-пен стратегиялық серіктестік туралы келісім жасады.
Бренд елімізде M5, M7 және M9 кроссоверлерін сатуды жоспарлап отыр. Біріншісін бес орынды нұсқада ұсынса, үлкенірек екі модель үш қатарлы және алты орынды болады.
Алдын ала мәлімет бойынша Aito Қазақстан нарығына тек 1.5 литрлік іштен жанатын қозғалтқышы бар гибрид ретінде шығады. Қытайда Aito M5 496 ат күші бар электромотормен жүреді,
Жаңа дистрибьютор кроссоверлерге 2 жыл немесе 100 мың шақырымға кепілдік береді, ал электрлі компоненттерге кепілдік мерзімі — 4 жыл. «Вираж» мамандары гибридтерге сервистік қызмет көрсетіп үйренген. Құны әзірге белгісіз, бірақ Seres маркалы Aito модельдері Ресейде 5–7 миллион рубль (шамамен 25–35 млн теңге) тұрады.
Комментариев: 0