BYD алғаш рет бір айда жарты миллион автомобиль сатты

Қытайдың BYD концерні тарихи жетістікке қол жеткізді, марка алғаш рет бір айда жарты миллион көлік сатты. Гибрид саудасы өте жақсы нәтиже көрсетті, бензоэлектрлі модельдер былтырғыдан 130 % көп өткен.

BYD қазанда 502 657 автомобиль саудалады. Бұл BYD өнімдерін, концерннің суббрендтерін (Denza, FangChengBao, Yangwang) және жеңіл коммерциялық техинкаларды қамтиды. Соңғысын алып тастасақ та көрсеткіш жарты миллионнан түспейді (500 526 машина). Ал суббрендтерді есептемей, BYD-дің өз модельдерін ғана санасақ, 483 437 автомобиль болады.

Концерн саудасы 2023 жылғы қазанмен салыстырғанда 66. 5 % жоғарылады. Марка мұндай нәтижеге гибридтің арқасында жетті. Электрокар сатылымы 14.5 % ғана өскен, ал бензоэлектрлі машиналар өсімі 130 % болған. 310 912 гибрид иесін тапты.

Қаңтар мен қазан арасында BYD жалпы 3.25 млн машина сатты (плюс 36.5 %). Концерн саудасы Қытай нарығының 15 %-ын құрап отыр. Бірақ суббрендтері жасаған өнімдер жақсы өтіп жатқан жоқ, Denza мен FangChengBao-ға сұраныс төмен, ал Yangwang қытайларға ұнаған жоқ. Бұл марканың қаңтарда — 1652, қазанда 282 данасы ғана сатылды.