Vlast.kz хабарлағандай, шенділер BRT желісінің жүргізушілер мен арнайы жол маңындағы көшелерде тұратын тұрғындардың көңілінен шықпайтынын мойындады.
«Көлік иелерінің өтінішіне орай Алматы әкімі Ерболат Досаевтың тапсырмасымен құрамына сарапшылар, транспорт инженерлері, урбанистер, тасымалдаушы компаниялар, кәсіпкерлер және BRT желісі бар көшеде орналасқан оқу орны өкілдері кіретін жұмыс тобы құрылады. Жұмыс тобы Тимирязевтегі BRT жолағының маңызын, тиімділігін және оны басқаша орналастыру жолын қарастырады», — дейді әкімдік.
BRT желісінен ең көп зардап шегетін Бостандық ауданы тұрғындарымен кездесуде әкім арнайы жолақты оң жақ шетке ауыстыруды ұсынған. Әкімнің бұл ұсынысы урбанистерге ұнамай қалып, Е. Досаев арнайы жолақты көшіру мәселесі әлі шешілмегенін айтты.
Айта кетейік, Алматыдағы BRT желісі стандартқа сай келмейді. Негізі бір бағытта жолағы үштен аз көшеге арнайы жолақ сызуға тыйым салынады. Демек жүрдек автобус жолағы заңсыз салынған.
Комментариев: 0