Brabus әрлеген Mercedes G 63 сатылады

Люкс автомобиль сатумен айналысатын Hollmann компаниясы 2019 жылғы «Гелендвагенді» 695 мың еуроға (333 млн теңге) бағалап отыр, машина 998 шақырым жол жүрген. Модельдің жаңасы бұдан төрт есе арзан. Бұл түрленім өте сирек кездеседі, сол үшін қымбат. Brabus ательесі мұндай машинаның он данасын ғана жасаған, олар әдеттегі V8-дің орнына 900 ат күшіне ие V12 моторын орнатты.

1 / 11

• 
• 
• 
• 
• 
• 
• 
• 
• 
• 
• 

1 / 11

Ателье G V12 900 One of Ten деп аталатын жобасын 2019 жылы ұсынған. Сол жоба аясында жасаған алғашқы машиналарының бірін сатқалы отыр. Жол талғамайтын көліктің басты артықшылығы — қуатты V12, Brabus оны S-класс түрленімінен алған.

Жаңарған мотор 900 ат күші мен 1250 Нм береді (Айналу моментін 1500 Нм-ге жеткізуге болады, бірақ трансмиссия құрылымына байланысты оны әдейі шектеген). Қозғалтқыш көлемі 6.0-ден 6.3 литрге ұлғайды. Brabus G V12 900 алғашқы жүздікті 3.8 секундта еңсереді, бұл стандарт Porsche 911-дің көрсеткішінен тез. Ал машинаның ең жоғары жылдамдығы — 280 км/сағ.

1 / 11

• 
• 
• 
• 
• 
• 
• 
• 
• 
• 
• 

1 / 11

G V12 900 жобасы қуатты мотордан бөлек карбон бастырық, арнайы газ шығару жүйесі және 24 дюймдік дөңгелек дискісімен ерекшеленеді. Он жол талғамайтын көліктің әрбірінің интерьері тапсырыс беруші талабына сай әрленген. Біз сөз етіп отырған нұсқаны қызыл тігісі бар қара былғары және карбон қаптамамен сәндеген.