BMW концепт түріндегі XM моделін таныстырған күннен бір жылдай уақыт өткенде, сатылатын көлік қандай болатыны анықталды. Машина анағұрлым қарапайым: бүйіріндегі бұдырлар тегістеліп, төбесіндегі тіреулер іріленген, ал радиатор торы сәл кішірейіпті. Бірақ алдыңғы жағындағы екі деңгейлі оптикасы орнын сақтап қалды. Дизайнерлер артқы бөлігіндегі дөңес шамнан бас тартып, бампер мен диффузорын түзеді.
BMW XM-ге гибрид plug-in қондырмасы бар 4.4 литрлік V8 орнатуы мүмкін, бұл күштік құрылымның 644 ат күші мен 800 Нм момент беруіне жағдай жасайды. Қозғалтқыш өшіп қалса, көлік шамамен 80 шақырым жол жүре алады. Adaptive M Professional аспасы машина бір бүйіріне қисайғанда жүрісін тұрақтандыратын жүйемен жабдықталады. Тежеуіші мен рөлін әзірлеуге зауыттағы М тюнинг-спорт бөлімінің мамандары қатысқан. Опция түрінде ұсынатын 23 дюймдік дискіні де солар құрастырды.
BMW XM-нің 2023 жылы шығатын жаңа модель ретіндегі тұсаукесері осы күзде өтеді.
Комментариев: 0