BMW M2 CS: қуаты артып, салмағы кеміді

BMW концерні ең экстремал М-спорткар — BMW M2 купесінің CS (Competition Sport) түрленімін таныстырды. Модель жақсарып, қозғалтқыш қуаты артты, шассиі мықты бола түсті, ал шанағы жеңілдеді және жаңа эмкада енді механика қорап болмайды. Машина биыл жаз аяғында саудаға шығады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Артқы жетекті BMW M2 CS қосарлы турбоүрлемді 3 литрлік алты цилиндрлі моторын сақтап қалды, концерн мұндай күштік құрылымды M4, GT3 сияқты спорткарларға орнатып жүр. Қозғалтқыш қуаты 530 ат күші мен 650 Нм-ге дейін артты. Турбомотор 8 сатылы M Steptronic беріліс қорабымен жұмыс істейді.

Агрегат кез келген жүріс режимінде акселератор педаліне жылдам жауап береді. Мамандар моторға неғұрлым мығым тірек орнатып, реттеу клапаны мен төрт құбыры бар титан газ шығару жүйесін орнатты. Шассиге бейімді амортизатор мен жеке сипаттамасы бар серіппе қойды. Клиренсі 8 мм аласарды. BMW M2 CS 19 және 20 дюймдік дөңгелек дискісі және мықты M Compound тежеуішімен жабдақталған.

1 / 5

• 
• 
• 
• 
• 

1 / 5

BMW M2 CS стандарт купеден 30 келі жеңіл, бұған шанақ құрылымында көміртекті пластиктің көптігі әсер етті. Машинаның төбесі, жүксалғыш қақпағы, айна корпусы және салонның кейбір деталі осы материалдан жасалған. Купе жаңа аэродинамикалық карбон бастырықпен де жабдықталған. Былғары және алькантарамен қапталған салонда жылыту және электрлі реттеу мүмкіндігі бар M Carbon креслосы көзге түседі.

Автомобиль динамикасы жақсарған. BMW M2 CS алғашқы жүздікті 3.8 секундта (стандарт спорткардан 0.2 секунд жылдам) еңсереді, 200 км/сағ жылдамдыққа 11.7 секундта (1.2 секунд жылдам) жетеді. Машинада опция түрінде M Driver пакеті бар, сондықтан электронды жылдамдық шектеуіш 302 км/сағ-қа өзгерген.

Жаңа эмка Мексикадағы BMW зауытында жасалады. Спорткар негізінен АҚШ, Қытай және Германияда сатылады, осы нарықтарда M2 CS кем дегенде 115 мың еуро (66.5 млн теңге) тұрады. Концерн купе саны шекті болатынын хабарлады.