BMW болашақ электрлі M3-ті көрсетті

Компания Францияда өткен «Ле-Мандағы 24 сағат» марафоны аясында M Concept Neue Klasse прототипін таныстырды. Бұл модельді алғашқы электрлі M3 деуге болады. Ол 2027 жылы жарық көруі керек, бірақ марка әзірге ресми түрде растамады.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Концепт сұсты аэродинамикалық бастырық алған жаңа i3-ке негізделген. Оның кейбір шанақ панелі көміртекті пластиктен емес, жаңа композит материалдан жасалған. Машина жарысқа арналған BMW модельдерін еске салатын сары түсті алдыңғы жарық техника және бұрынғы M-сериялы көліктерге сілтейтін жүксалғыш қақпағындағы шағын спойлермен ерекшеленеді. Есік тұтқалары мүлде жоқ. Алдыңғы есік ортаңғы тіректегі арнайы элемент арқылы ашылады. Жолаушылар артқы қатарға қалай өтетіні әзірге белгісіз.

1 / 9

• 
• 
• 
• 
• 
• 
• 
• 
• 

1 / 9

Салоны төрт орынды. Алдыңғы және артқы қатарда бүйірлік тірегі бар жеке орындықтар мен көпнүктелі қауіпсіздік белдігі тұр. Прототип алдыңғы әйнектің астын бойлай орналасқан жіңішке аспаптар панелі мен ірі мультимедиа экранын сақтап қалды. Мамандар рөлге арнайы M батырмаларын, бірінші және екінші қатардың арасына қауіпсіздік доғасын орнатты.

BMW прототиптің күштік құрылымы туралы ақпарат бермеді. Бренд тек төрт электрмотор болатынын, электроника режимді толықтан артқы жетекке ауыстыра алатынын, 800 вольттық архитектура қолданылатынын және аккумулятор сыйымдылығы 100 кВт·сағаттан асатынын растады. Бұған дейін интернетте сериялық M3-тің базалық нұсқалары 700 ат күшін берсе, үздік модификацияның қуаты 1000 ат күшінен асады деген ақпарат тарады.