BMW i3-ті ресми таныстырды

BMW i3-тің бірнеше суреті кеше желіде тарап кеткен, ал бүгін ресми түрде ел алдына шықты. NA0 платформасына негізделген автомобиль BMW Vision Neue Klasse концептісінің сериялық нұсқасы саналады.

1 / 10

1 / 10

Модельдің ұзындығы — 4760 мм, ось арасындағы қашықтық 2897 мм-ге жетеді. Ені мен биіктігі 1865 мм және 1480 мм шамасында. Демек седан қазіргі «үштіктен» 5 см ұзын.

NA0 платформасы 800 вольттық архитектураға негізделген, ол 10 минутта 400 шақырымға жететін қуат қорын толтыруға мүмкіндік береді. Бастапқы кезеңде бренд қозғалтқышы 469 ат күші мен 645 Нм момент беретін 50 xDrive түрленімін ұсынады. Машина 900 шақырымды (WLTP) еркін еңсереді. Электрокардың динамикасына қатысты ақпарат жоқ, бірақ компания өкілдері бес иінтіректі артқы аспа, қатты тұрақтандырғыштар, бейімді амортизаторлар мен озық жүріс электроникасын алған модельдің драйверлік қасиеттерін атап өтті.

Кейінірек топтамаға бір моторлы көліктер де, қуатты модификациялар да қосылады.

1 / 12

Дизайнерлер BMW i3-тің ішін әрлегенде iX3 кроссоверіндегі футуристік шешімдерді қолданыпты. Атап айтқанда, Panoramic iDrive дисплейін алдыңғы әйнекке шығарған, ол алдыңғы панельдегі проекциялық экранмен үйлесіп тұр. Салонда физикалық батырма жоқтың қасы. Борттағы функцияларды жасанды интеллект элементтеріне ие дыбыстық көмекші арқылы басқаруға болады. Интерьердегі тағы бір ерекшелік — рөлдегі бапталатын батырмалар, олар жүргізуші қолдануға рұқсат алған кезде ғана жанады.

Клиенттер стандарт кресло мен M Sport орындығының бірін таңдай алады. Екіншісін былғарымен де, экологиялық матамен де қаптауға мүмкіндік бар.

Жаңа өнім биыл тамызда конвейерге тұрады. Мюнхендегі зауыттан шыққан машиналар күзде саудаға түседі.

Комментариев: 0