Бірегей 300SL Gullwing аукционға қатысады

Mecum аукцион үйі коллекция жинайтындар ерекше бағалайтын Mercedes-Benz 300SL Gullwing моделін саудалауға дайындалып жатыр. «Шағала қанаты» типті есігі бар мұндай көліктің 1400 данасы шыққан, көбі миллиондаған доллар тұрады. Біз сөз етіп отырған машина да сол қатарда. Саудагерлер 2.5 млн долларға жуық пайда табамыз деп отыр.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Mecum мамандары Gullwing зауытта жасылдың Mittelgrün аталатын реңкіне боялған, салоны сұр-жасыл былғарымен қапталып, шанағымен түстес аспаптар панелін алған жалғыз купе екенін атап өтті.

1973 жылдан бері автомобиль Indianapolis Motor Speedway Foundation меншігінде болған, ал 2015-2020 жылдары автодром музейінде тұрыпты. 2000 жылдардың басында машина реставрациядан өтті. Сол кезде шеберлер 240 ат күшіне ие (294 Нм) 3 литрлік моторды қайта жинады. 300SL зауытта қойған элементтерінің көбін сақтап қалғанмен, реставраторлар салонын сарғыш былғарымен қаптауды жөн көріпті.

1 / 9

• 
• 
• 
• 
• 
• 
• 
• 
• 

1 / 9

Соңғы жылдары бірнеше рет иесін ауыстырды. 2022 жылдың қыркүйегінде бәссаудаға түсіп, 1.7 млн долларға өткен. Бірақ қазіргі сомасы да Gullwing үшін рекорд емес. Бұл модельдің ең қымбатын алған кісі 3.4 млн көк қағазды санап берген.