Формула-1-ге қатысқан Mercedes-Benz бәссаудаға түсті

Штутгарттағы Mercedes-Benz музейінде аса сирек кезедесетін W 196 Stromlinienwagen моделінің құрметіне орай аукцион өтті. Кезінде Хуан-Мануэль Фанхио мен Стирлинг Мосс тізгіндеген бұл машина үшін жаңа иесі 51 155 000 еуро (27 млрд теңгеден асады) санап берген. Нәтижесінде, раритет әлемдегі аса бағалы екінші автомобиль және Гран-приге қатысқандар арасында ең қымбаты атанды.

1 / 7

• 
• 
• 
• 
• 
• 
• 

1 / 7

1950 жылдардың орта тұсында Формула-1 жеке жарыс сериясы ретінде танылмаған, өйткені әлем чемпионатының регламентінде өзіндік техникалық талаптары бар аттас категория бар еді. 1954 жылы FIA үлкен өзгеріс енгізген соң, Mercedes-Benz мамандары чемпион атағына лайық спорткар жасау мүмкіндігіне ие болды.

1 / 5

• 
• 
• 
• 
• 

1 / 5

W 196 R жобасын әйгілі 300 SL авторы Рудольф Уленхаут жетекшілік еткен бөлімше қолға алды. Түтік тәрізді рама үшін мамандар 290 ат күшін беретін 2.5 литрлік сегіз цилиндрлі мотор құрастырды. Кедір-бұдыр трассада жүретін көліктің дөңгелегін ашық күйде орнатса, жылдамдықты қажет ететін трассаларға арнап магний қорытпасынан Stromlinie жабық шанағын жасады. Жалпы екі жылда 14 машина шықты.

Жабық шанақ тек төрт спорткарға бұйырыпты, бірақ біз сөз етіп отырған 00009/54 нөмірлі машинаның бастапқыда дөңгелегі ашық болған. Сол кезде оны Хуан-Мануэль Фанхио жүргізіп, Буэнос-Айрес Гран-приінде жеңіс тұғырына көтерілді. 1955 жылы Стирлинг Мостың талабымен машина жаңа шанақ алды. Жарысты аяқтап үлгермесе де, техникалық жүріс кезеңінде Мосс айналым рекордын жасады.

1955 жылдың қазан айында Mercedes-Benz автоспорттан кететенін мәлімдеп, қалған он W 196 R-ді музейге тапсырды. Кейін екі машинаны басқа музейлер алыпты. 00009/54 нөмірлі көлік араға 10 жыл салып Индианаполистегі жарыс кешенінің коллекциясына қосылды.

1 / 5

• 
• 
• 
• 
• 

1 / 5

Содан бері мамандар оны екі рет қалпына келтірген. Автомобиль көрмеде тұрғанмен, тарихи машиналар байқауында не арнайы сайыстарда мүлде бой көрсетпепті.

Жария аукциондарда абсолют рекорд орнатқан көлік те осы Mercedes-Benz өнімі. 2022 жылы музей екі 300 SLR Uhlenhaut-тің біреуін 135 миллион еуроға сатты.