Энергетика министрлігі дизель отынын дифференциал бағаға сату үшін тұтынушылардың дерегін тексеретін модульді 15 қыркүйекте іске қосты.
Ведомство кеше кешке «ҰАТ» АҚ елдегі екі мың бекетке жүйеге кіретін логин мен құпиясөз бергенін хабарлады. Оны 271 жанармай бекеті бірден қолдана бастапты, сөйтіп кеше 2365 рет дизель сатқан.
Сервисті әзірлеуге бюджеттен ақша бөлінбеген, мәліметті ішікі істер, цифрлық даму, инновация және аэроғарыштық даму министрліктерінің және Мемлекеттік несие бюросының (сақтандырушылар базасы — Kolesa.kz ескертп.) деректер базасынан алады екен.
Жүргізушілер мен бекеттегі жұмысшылар бұл жаңалықты әртүрлі қабылдады.
«Қазір ғана жаңа жүйені сынап көрдім, сол бойынша дизель құйдым, — деп жазады бір оқырман. — Жүргізушілер мен жанармай құюшылардың көңілі толмай отыр. Процесс көп уақыт алады. Бекетке барғанда жүргізуші куәлігіндегі мәліметті бересің, олар оны компьютерге енгізеді, жібереді, дизель құйған соң 1414 нөмірінен бүгін қанша литр жанармай алғаның және тағы қанша лимит бары жазылған SMS келеді. Оның үстіне олар бакты толтырмайды. Қайтаруыма тура келді, сөйтіп іс тіпті ұзаққа созылып кетті».
Еске салайық, дизель қазір ел тұрғындарына 230-260 теңгеге, шетелдіктерге 450 теңеге сатылып жатыр. Жеңіл көлікке тәулігіне 100 литр, ал жүк көлігі, автобус және арнайы техникаға 300 литр солярка құюға болады.
Комментариев: 0