Мемлекеттік бағдарламаны бекіту туралы қаулыны ресми БАҚ жариялады және ол күшіне енді. Құжатқа сәйкес, Қазақстанда 6.9 мың шақырым жол жөндеуден өтуі тиіс. Алдағы бес жылға мынадай шаралар жоспарланған:
- Нұр-Сұлтан — Арқалық — Ырғыз — Шалқар — Қандыағаш («Орталық — Батыс» автожол дәлізі) тас жолын І және ІІ техникалық категориялар бойынша қайта қалпына келтіру;
- Қызылорда — Павлодар — Успенка — РФ шекарасы (Барнаулға) автожолын І және ІІ техникалық категориялар бойынша қайта қалпына келтіру;
- Жезқазған — Арқалық — Петропавл автожолын ІІ техникалық категория бойынша қайта қалпына келтіру;
Жаңаөзен — Түркменстан шекарасы автожолын І және ІІ техникалық категориялар бойынша қайта қалпына келтіру; - Бейнеу — Шалқар автожолын ІІ техникалық категория бойынша қайта қалпына келтіру;
- Карағанды — Аягөз — Бұғаз автожолын ІІ техникалық категория бойынша қайта қалпына келтіру;
- Семей — РФ шекарасы (Барнаул) автожолын ІІ техникалық категория бойынша қайта қалпына келтіру;
- Орал — Атырау автожолын І және ІІ техникалық категориялар бойынша қайта қалпына келтіру;
- Ақтөбе — Қарабұтақ автожолын ІІ техникалық категория бойынша қайта қалпына келтіру;
- Атбасар — Қостанай — РФ шекарасы автожолын ІІ техникалық категория бойынша қайта қалпына келтіру;
- Кентау — Түркістан — Арыстанбаб — Шәуілдір — Төрткөл автожолын І техникалық категория бойынша қайта қалпына келтіру;
- Құлсары — Мүкір автожолын ІІ техникалық категория бойынша қайта қалпына келтіру;
- 120 км-ге созылған Өскемен — Шемонаиха — РФ шекарасы (Барнаулға) автожолын ІІ техникалық категория бойынша қайта қалпына келтіру;
- ӨР шекарасы (Ташкентке) — Шымкент — Тараз — Алматы — Қорғас ( Көкпек, Көктал, Қайнар арқылы) автожолын «Нұр жолы» өткізу пунктінен «Қорғас» ШЫХО-на дейін І техникалық категория бойынша қайта қалпына келтіру;
- «Қабанбай батыр» даңғылын, «Астана жұлдызы» айналма жолынан Нұрсұлтан Назарбаев халықаралық әуежайының айналма жолына дейінгі бөлікті І техникалық категория бойынша қайта қалпына келтіру;
- Үлкен Алматы айналма автожолын І техникалық категория бойынша салу;
- «Шымкент қаласын айналып өтетін Оңтүстік-Батыс» автожолын І техникалық категория бойынша салу;
«Сарыағаш қаласын „Б. Конысбаев“ өту пункті арқылы айналып өтетін» автожолды І техникалық категория бойынша салу;
Одан бөлек, бағдарлама аясында 2015-2019 жылдары басталған 4.2 мың км халықаралық және республикалық маңызға ие жолдардың құрылысы мен қайта қалпына келтіру жұмыстары аяқталады, 2025 жылға қарай мұндай тас жолдардың 45 %-ы ақылы болады.
Естеріңізге сала кетейік, елдегі үш ақылы жол 2019 жылдың қаңтарынан бастап іске қосылды. 2021 жылы тағы 5.5 мың шақырым жолды ақылы ету жоспарланып отыр. Жол ақысын kolesa.kz мобильді қосымшасының көмегімен төлеуге болады.
Анықтама ретінде: І техникалық категориядағы жолдардың ортасында бөлу жолағы болады, теміржолды қоса алғанда, басқа да жолдармен түрлі деңгейде қиылысады және жолақ саны төрттен асады. ІІ техникалық категориядағы жолдардағы жолақ саны екіден төтрке дейін болады. Бөлу жолағының болуы міндетті емес. Басқа жолдармен бір деңгейде, ал теміржолмен әртүрлі деңгейде қиылысады.
Комментариев: 0