Бердімұхамедовке арналған ақ Aurus

Каспий экономикалық форумына Медведев бастаған ресейлік делегация не әкелу керектігін білген сияқты.

Түркменбашыда өтіп жатқан КЭФ үшін ақ түсті Aurus Senat көліктері жиналыпты. Түркменстан басшысы Гурбангулы Бердімұхамедов автокөліктңң түсіне ерекше мән берді.

«Түсі, біз білеміз, ақ болуы тиіс», — деді Медведев. «Егер өтініш жіберу қажет болса, біз солай істейміз», — деп жауап берді Түркменстан президенті. Содан кейін Аркадаг Aurus-тың бүкіл топтамасын (седан, шағын автобус және лимузин) сатып алуға ниетті екендігін жеткізді.

Айта кетейік, Түркменстанда қара түсті көліктерді пайдалануға тыйым салынғанына екі жыл болды.