Жаңа Li Auto L9 Қазақстанға келді. Қанша тұрады?

Екінші буындағы Li Auto L9 көктемде Бейжіңдегі халықаралық автокөрмеде жарық көрсе, жаз ортасына қарай Қазақстандағы брендтің ресми дилерлік орталықтарына жетті. Бұл марка тарихындағы алғашқы шетелдік премьера. Елге автомобильдің Қытайға арналған емес, экспорттық нұсқасы кірді. Мұндай модификация жас брендтің топтамасында алғаш рет пайда болды.

1 / 11

• 
• 
• 
• 
• 
• 
• 
• 
• 
• 
• 

1 / 11

Экспорттық L9-дың басты техникалық ерекшелігі — Еуропа стандартына сай CCS2 порты. Қалған жаңалық негізінен бағдарламалық жасақтамаға қатысты. Жаңа гибридті алатындар мастер-аккаунт ашып, брендтің мобильді қосымшасын толық пайдалана алады. Онымен көліктің бірқатар функциясын қашықтан басқаруға болады. L9 «Яндекс» сервистері зауыттан орнатылатын Қазақстандағы алғашқы модель атанады. Бастапқыда клиенттерге жанармай бекеті функциясы бар навигация, музыка және «Кинопоиск» сервисіндегі контентті ұсынатын фирмалық бейнеқосымша қолжетімді болады. Кроссовер мультимедиасының бағдарламасын сымсыз жаңарту мүмкіндігі бар.

1 / 5

• 
• 
• 
• 
• 

1 / 5

Li Auto L9-дың екінші буыны алдыңғысынан ірі. Көлік 37 мм (5255 мм) ұзарды, дөңгелек базасы 20 мм артып, 3125 мм-ге жетті. Автомобильдің ені 2 мм, биіктігі 10 мм өсті.

Алты орынды салонындағы алдыңғы панельде 29 дюймдік экран тұр. Рөлде фирмалық шағын аспаптар панелі жоқ, енді барлық ақпарат тек проекциялық дисплейден көрінеді. Есік картасында тұтқаның орнын батырма басты, оның жетегі қосымша опция ретінде электрлі болуы мүмкін. Дәстүрлі механикалық есік тұтқалары шынтақ тіреуішпен үйлескен.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Гибридтің базалық жинағына жылытқыш, желдеткіш, массаж функциялары бар бірінші және екінші қатардағы кресло, жүргізуші мен алдыңғы жолаушының аяғы мен денесіне арналған параметрлерді бөлек реттеуге мүмкіндік беретін жеті аймақты климат-бақылау жүйесі, есік картасы мен шынтақ тіреуішті жылытқыш, артқы бүйір әйнектер мен панорамалы шатырдағы электрофотохромды әйнектер, белсенді шу деңгейін басу жүйесі, 33 динамикті аудиожүйе, артқы жолаушыларға арналған 21.1 дюймдік дисплей кіреді.

Кроссовердің күштік құрылымы бұрынғыдай жұмыс істейді. L9 — 156 ат күшіне ие 1.5 литрлік бензинді қозғалтқышы генератор ретінде жұмыс істейтін және екі электромотормен жабдықталатын тізбекті гибрид. Жалпы қуаты 571 ат күшіне (710 Нм) тең. Агрегаттар 72.7 кВт·сағ NMC аккумуляторынан қуат алады. Ол электр қуатымен CLTC циклі бойынша 420 шақырым, WLTC стандарты бойынша 340 км еңсереді. Экспорттық нұсқаның жалпы жүріс қоры 1370 шақырымға жетеді.

L9-дың алдыңғы аспасы қос көлденең иінтірек, артқы жағы көп иінтірекпен жабдықталған. Екі камералы пневматикалық баллон мен 800 вольттық борт жүйеден қуат алатын гидравликалық тіректер жайлылық сыйлайды. Мұндай шешім көлденең тұрақтандырғышты қолданбауға мүмкіндік береді, төрт дөңгелек тәуелсіз жұмыс істейді және шанақ шайқалуын болдырмайды.

Автомобиль 7 градусқа дейін бұрыла алатын артқы дөңгелектермен жабдықталған. Соның арқасында бұрылу радиусы 5.3 метрге дейін қысқарады. Рөл мен дөңгелек арасында механикалық байланысы жоқ, жүргізуші оның айналым санын реттей алады.

Қазақстандағы автосалондарда жаңа L9-дың Ultra және Livis деген екі комплектациясы бар. Ultra-ның бағасы 44 млн теңгеден басталса, шанағы екі түсті үздік Livis модификациясының бағасы 51.9 млн теңгеден басталады. 15 қыркүйекке дейін алдын ала тапсырыс берген алғашқы сатып алушы 1 млн теңге жеңілдік алады. Жаңа кроссовер автосалондарға тамызда барады. Анықтама: қазіргі L9 Қазақстанда 41.1 млн теңге тұрады.

Қазақстандағы автосалондарда сатылып жатқан бірінші буындағы Li Auto L9-дың суреттерін Kolesa.kz-тегі «Жаңа көліктер» бөлімінен таба аласыз. Сайтта барлық нұсқаның сипаттамасы, комплектациясы және бағасы толық жазылған.