Британиялық Autocar басылымына берген сұхбатында Bentley-дің атқарушы директоры Эдриан Холлмарк фирманың жоспарлары мен стратегиясын өзгерту жайлы айтты. Сәуірде сұранысы төмендеген Mulsanne седаны өндірістен алынып, оның орнын толыққанды кроссовер басады.
Соңғы 20 жылда қолмен құрастырылатын седандардың саны едәуір азайды, бұл өндірісті шығынға ұшыратуы мүмкін. Бұрында шығын Rolls-Royce пен Bentley арасында теңдей бөлінетін, ал енді әрқайсысы өзі үшін жауапты.
Қазіргі уақытта компания сатылымының 47 %-ы Bentayga кроссоверінің үлесінде екендігін ескерсек, SUV саласына бет бұрған жөн болады. Жаңа әрі анағұрлым ірі жол талғамайтын көлік «Бентайгадан» бір саты жоғары болмақ және ол Rolls-Royce Cullinan-мен бәсекелесе алады. Әзірге жаңа үлгінің сырт кейпі мен техникалық жағы құпия, сондықтан Autocar басылымының бетіндегі рендер тек редакция қиялының жемісі.
Комментариев: 0