Беларусьте Қытай бестселлері Geely EX2 саудаға шықты

Беларусьтің Belgee компаниясы өзі құрастыратын Geely EX2 электрокарын сата бастады. Бұл модель Қытайда Geely Xingyuan атауымен белгілі, 2025 жылдың бірінші жартысында өз елінде теңдессіз бестселлер атанған. Аv.by басылымы машинаның бағасы 44.9 мың беларусь рублінен (8.2 млн теңге) басталатынын хабарлады.

Geely EX2-нің өлшемі — 4135×1805×1570 мм, дөңгелек базасы — 2650 мм. Жүксалғыш көлемі — 1320 литр. Алдыңғы «капот» астында тағы 70 литр орын бар.

1 / 6

• 
• 
• 
• 
• 
• 

1 / 6

Беларусьте электрокар 116 ат күшіне ие (150 Нм) мотормен және сыйымдылығы 39.4 кВт·сағ литий-темір-фосфатты батареямен жүреді. EX2-нің жүріс қоры — 395 км. Қытайда модельдің 79 ат күшіне ие мотормен, 30 кВт·сағ батареямен жабдықталған арзан нұсқасы бар. Машинаның жабдықтар тізіміне 10.1 және 14.6 дюймдік дисплейі бар медиажүйе және 16 дюймдік дөңгелек дискісі кіреді.

Модельдің Беларусьте жасалған алғашқы сынақ партиясы небәрі 200 машинадан тұрады. Belgee кейінірек ай сайын 500 электромобиль сатуды жоспарлап отыр. Компания Geely EX2-ні Ресейге экспортқа шығармайды, бірақ кәсіпорын ол елге дәстүрлі моторы бар Geely көліктерін өз брендімен сатып жатыр.

1 / 6

• 
• 
• 
• 
• 
• 

1 / 6

Қазанның басында Belgee электрокарды ЕАЭО елдерінде (Армения, Қазақстан және т.б.) сатуға мүмкіндік беретін құжаттар пакетін рәсімдейтіні мәлім болған. Беларусь нарығы аса үлкен емес екенін ескерсек, бұл жоспар көп ұзамай жүзеге асуы әбден мүмкін.