Беларусь Қытайдың басты бестселлерін құрастырады

Беларусьтің Belgee компаниясы Geely-дің EX2 индексті жаңа электрокарын өндіруге сертификат алды. «Китайские автомобили» басылымы бұл Geely Xingyuan екенін хабарлады.

Басылым хабарлағандай, Belgee электрокарды ЕАЭО елдерінде (Ресей, Армения және Қазақстанда) сатуға мүмкіндік беретін Көлік типін мақұлдау құжатын рәсімдей алады. Құжаттағы дерекке сүйенсек, Geely Xingyuan Қытайдан тыс жерде EX электромобиль желісінің базалық моделі болады. Бұл топтамада Ресейде сатылып жатқан батареялы EX5 кроссовері бар.

1 / 5

• 
• 
• 
• 
• 

1 / 5

EX2-нің ұзындығы — 4135 мм, дөңгелек базасы — 2650 мм, жүксалғыш көлемі — 375 литр. Қытайда ол 79 немесе 116 ат күшіне ие мотормен жүреді, батарея сыйымдылығы — 30.1 немесе 40.1 киловатт. EX2/Xingyuan-ның жүріс қоры аккумуляторына байланысты 310 немесе 410 шақырымға жетеді. Машинаның жабдықтар тізіміне 8.8 және 14.6 дюймдік дисплейі бар медиажүйе, алты динамик және экобылғарымен қапталған салон кіреді.

Автомобиль өз отанында 68 800–97 800 юань (5.3–7.5 млн теңге) тұрады. Төмен бағасы мен мол жабдығына байланысты Xingyuan 2025 жылдың алғашқы жартысында бұл елде көшбасшы атанды. Ол — Қытайда жарты жылда 200 мың данасы сатылған жалғыз модель. Қаңтар мен тамыз арасында 295 мың көлік иесін тапты.