ТМД елдері 1977 жылдан бері шығып келе жатқан Lada 4×4-тің көнелігіне үйреніп қалған. Сондықтан жол талғамайтын көліктің кезекті түрленімі туралы хабар күтпеген не аса маңызды жаңалықтар қатарынан табылған жоқ. Алайда ағылшын тілді журналистер Lada 4×4-тің өміршеңдігіне қатты таңырқаған сыңайлы.
Autoblog.com шолушысы Ронан Глон 4×4-ті сырт келбеті аса өзгерместен шығарылып келе жатқан ең көне автокөліктердің бірі деп атады. Журналист темір тұлпардың салонына қатысты да ой бөлісті. Глонның сөзінше, үлгінің сөздік қорында ақпараттық ойын-сауық жүйесі деген түсінік мүлде жоқ, ал жаңа дүниелер тек 12 вольттық резеткілер мен шағын дисплейі бар аналогтық аспаптар панелін орнатумен шектелген, интерьері әлі күнге дейін заманға сай емес.
Jalopnik порталының жазбасы аса қызық емес, бірақ оған жазылған пікірлердің жөні бөлек. Оқырмандардың бір бөлігі автор сияқты үлгінің өміршеңдігіне таңғалса, кейбіреулер тіпті оны үзі үшін де, АҚШ-та сату үшін де алуға ниет білдірді.
— Мен біреуін алар едім … мүмкін Lada-ның Висконсиндегі импорттаушысы болсам бе екен, — деп жазады Remake/ Remodel атымен тіркелген оқырман.
— Мен Porsche, «бенц» және Jaguar мінгенмін, бірақ дәл осы менің арманымдағы автокөлік болып табылады, — дейді Porschebago Redux, formerly Mini Mid-life Crisis.
Комментариев: 0