Stellantis концерні Туриндегі зауытта Fiat 500e электрокарын құрастыруды уақытша тоқтатты. Reuters агенттігі хабарлағандай, бұған машинаға сұраныс төмендегені әсер еткен, Fiat-тың батареялы хетчіне тапсырыс түспепті. Конвейер бүгіннен бастап төрт апта жұмыс істемейді. Fiat «чинквечентоны» гибридке айналдыруды жоспарлап отыр, бірақ ол жақында жүзеге аспайды.
Stellantis тапсырыс аз екенін растады, сондай-ақ қазір Еуропа нарығында электромобиль шығаратын барлық өндіруші қиындыққа тап болғанын атап өтті.
Алдағы ай Еуропада 2007 жылдан бері алғаш рет Fiat 500-дің бірде-бір экземпляры шықпайды, өйткені бензинді нұсқасының да өндірісі тоқтаған. Компания қазір модельдің гибрид түрленімін дайындап жатыр. Марка электрлі 500e-ге шағын дәстүрлі мотор орнатады. Fiat бұл шешім модельдің бұрынғы танымалдығын қайтарады деп үміттеніп отыр. Бірақ ол ең ерте болғанда 2025 жылдың аяғында немесе 2026 жылдың бірінші жартысында жарық көреді. Сондай-ақ марка 500e-ге сыйымдылығы үлкен аккумулятор жасап жатыр.
Гибридті Мирафиоридегі зауыт құрастырады. Stellantis кәсіпорынды жаңғыртып, «чинквечентоның» жаңа нұсқасын жасауға 100 млн еуро жұмсайды.
Комментариев: 0